QATAG‘ON QURBONLARI XOTIRASI — MILLATNING MA’NAVIY QUDRAТI VA VATANPARVARLIK TIMSOLI

Namangan viloyati pedagogik mahorat markazida 2026-yil 11-fevral kuni professor-o‘qituvchilar va tinglovchilar ishtirokida «Qatag’on qurbonlarini yod etish orqali yosh avlodni vatanparvarlik ruhida tarbiyalash» mavzusida ilmiy-amaliy davra suhbati o‘tkazildi.

Mazkur tadbir O‘zbekiston Respublikasi Vazirlar Mahkamasining 2025-yil 4-noyabrdagi 691-son qarori bilan tasdiqlangan "2025-2026 yillarda qatag’on qurbonlari hayoti va faoliyatini targ’ib etishni jadallashtirish dasturi" ijrosini ta’minlash maqsadida tashkil etildi.

Tadbirning asosiy mavzulari va ma’ruzachilar: Ochiqlik va maqsad: Markazning akademik faoliyat bo‘yicha direktor o‘rinbosari M.To‘xtasinov tadbirni ochib berar ekan, jadidlar merosini o‘rganishning bugungi kunda o‘quvchilar dunyoqarashini shakllantirishdagi ahamiyatiga to‘xtaldi. Tarbiyaviy ahamiyat: Ijtimoiy-iqtisodiy fanlar kafedrasi o‘qituvchisi A.Bo‘stonov umumta’lim maktablarida o‘tkaziladigan ma’naviy-ma’rifiy tadbirlarning mazmun-mohiyatini tahlil qildi. Tarixiy xotira: Kafedra o‘qituvchisi N.Abdullajonova «Qatag’on — millat xotirasidagi bitmas jarohat» mavzusida chiqish qilib, tariximizning og‘riqli nuqtalari va ulardan olinadigan saboqlarni yoritdi. Zamonaviy metodika: O‘qituvchi A.Qoriyev tomonidan qatag‘on qurbonlari hayotini o‘qitishda raqamli texnologiyalar va innovatsion yondashuvlardan foydalanish bo‘yicha amaliy tavsiyalar berildi.

Davra suhbati yakunida ta’lim muassasalarida vatanparvarlik tarbiyasini yangi bosqichga olib chiqish, tarixiy faktlarni o‘quvchilarga sodda va ta’sirli usullarda yetkazish bo‘yicha metodik xulosalar ishlab chiqildi.